ქართველი პოლიტიკოსი ბუკა პეტრიაშვილი სოციალურ ქსელში ერთ-ერთი რუსული გამოცემის მიერ დაბეჭდილ სტატიას ეხმაურება, სათაურით "Блудные сыновья советской империи готовы прибиться к новому «папику»" და ასეთ პოსტს აქვეყნებს: (სტატია შეგიძლიათ იხილოთ ლინკზე) https://www.km.ru/world/2021/05/10/887779-bludnye-synovya-sovetskoi-imperii-gotovy-pribitsya-k-novomu-papiku?fbclid=IwAR3DjxJyBRVOmOAjtz7zDtfVRhZNVmB5E7jbkcsv0oTHZ2u_6sUbeMyuagk

"სულ მაგას ვამბობ ხოლმე, სუსლოვს შეშურდებოდა, ისეთ მწვერვალებს მიაღწია რუსულმა პროპაგანდისტულმა მანქანამ. ამ სტატიას თუ ვინმე წაიკითხავს და დაიჯერებს, ოსმალოთა იმპერიის გამალებული აღდგენა ისე მიმდინარეობს, გეგონება საერთოდ არ არის 21 საუკუნე, არც თურქეთის ნატოს წევრი ქვეყანა და არც ჩვენ და უკრაინა კანდიდატები. თანაც, აშშ და ევროკავშირი საერთოდ არ არსებობს! ძალიან არ უნდა რუსეთს ჩვენი დამოუკიდებლობა, ძალიან, მ.შ. არც ენერგოდამოუკიდებლობა.

ვერ მოინელეს, რომ ბაქო ჯეიჰანი და ბაქო ერზრუმის გაზსადენები საქართველოზე რო გავიდა, მაშინ მოფარღალალებულები იყვნენ. ახლა კიდე კბილებამდე შეიარაღებულები იბრძვიან რომ მათი ელექტროენერგიის "ნემსზე" დარჩეს ქვეყანა. ელექტორენერგიის მოწოდებაზე ჯერ კიდევ როდის ნატო აცხადებდა, რომ ჰიბრიდული ომის ნაწილია. ეგ ძალიან კარგად იციან ბალტიელებმა და კიდეც თქვეს უარი რუსეთიდან ელ.ენერგიის მიღებაზე.

ცოტას გაიჭირვებენ და ევროკავშირის სისტემაშიც ჩაერთვებიან. ამათ "წაუკითხავთ" თურმე ხელშეკრულება და "აღმოუჩენიათ", რომ რუსეთ-საქართველოს საზღვრის მონაკვეთიც "ენკა"-სთვის გადაუციათ. ბევრი ბოდვა/ მითი გამიგია ამ ხელშეკრულებაზე აქ, საქართველოში, მაგრამ ეს მაინც სულ სხვა კლასია! ჰაი, რომ ამ ბოდვასაც დაიჯერებს მავანი და ხვალ ახალი ლოზუნგიც გაჩნდება "საზღვარს გვიყიდიან" -ს მაგვარი.

როგორც თავად ოკუპანტები იტყვიან, "სტიდნო ტოვარიშჩი, სტიდნო". აუცილებელია ხელშეკრულების მნიშვნელოვანი პუნქტების საჯაროდ განხილვა, რომ გავიგოთ მართლა ყველამ სიმართლე! ნეტა დროზე ჩამოვიდოდეს ევროკავშირიდან მომლაპარაკებელი, იმასთან მაინც დაიწყება ყველა მხარის არგუმენტების გაზიარება და განხილვა! #რუსეთიოკუპანტია" - წერს ბუკა პეტრიაშვილი.