საქართველოს საგარეო საქმეთა მინისტრი დავით ზალკალიანი ისრალესა და პალესტინას შორის მიმდინარე საომარ მოქმედებებს სოციალურ ქსელში ეხმაურება:

"საქართველოს მთავრობა ყურადღებით ადევნებს თვალყურს ისრაელსა და ღაზას სექტორში განვითარებულ მოვლენებს. საქართველო მკაცრად გმობს ძალადობას და მშვიდობიანი მოსახლეობის წინააღმდეგ მიმართულ სარაკეტო თავდასხმას, რაც ძირს უთხრის მშვიდობასა და სტაბილურობას რეგიონში. რეგიონში დაძაბულობის დეესკალაციას ალტერნატივა არ აქვს", - წერს ზალკალიანი.

შეგახსენებთ, ისრაელსა და პალესტინას შორის საომარი მოქმედებები მიმდინარეობს, რასაც ადამიანების სიცოცხლე ემსხვერპლა.