„თავისუფლებისა და მხარდაჭერის ცენტრის“ დამფუძნებელი და ლიდერი, თავდაცვისა და შს ყოფილი მინისტრის ბაჩო ახალაიას მეუღლე ანი ნადარეიშვილი ბაჩო ახალაიას სასამართლო პროცესებთან და მისთვის წაყენებულ ძველ და ახალ ბრალდებებთან დაკავშირებით განმარტებას აკეთებს.

ანი ნადარეიშვილს მიაჩნია, რომ ბაჩო ახალაიას წინააღმდეგ პროკურატურა „ახალ საქმეს კერავს“:

„ძალიან ბევრი ადამიანი მეკითხება რა ხდება ბაჩოს საქმეზე, მოკლედ მოგახსენებთ ჩემო ტკბილებო: როგორც იცით ბაჩო გამართლდა 4 ბრალდებაში (1.ვაშლის თლაზე, 2.წელსზევით შიშვლებს რომ ავარჯიშებდა ზამთარში, 3. სუტენიორ ზვიად აბესაძის ვითომ ცემის ფაქტი რესტორანში და 4.ბალერინა სპეცრაზმელები) და ერთში (ქურდების საქმეზე) გამტყუნდა, მაგრამ პრეზიდენტმა შეიწყალა, ანუ ბაჩოს მსჯავრი არ ადევს, მაგრამ უკვე წელიწადზე მეტია ისევ წინასწარ პატიმრობაშია.

დარჩა მხოლოდდამხოლოდ ერთი საქმე (პატიმრებისთვის პრივილეგირებული პირობების შექმნა ციხეში) რაზეც ეხლა ზის წინასწარ პატიმრობაში, ეს ბრალი გახსოვთ ალბათ საპრეზიდენტო არჩევნების წინ გამამართლებელი განაჩენის წინა დღეს წაუყენეს, ერთადერთი მოწმის (მამა ნიკოლოზის) ჩვენება დევს მხოლოდ საქმეში, რომელსაც ოთხჯერ აქვს შეცვლილი ჩვენება და განაცხადა კიდეც ტვ-თი რომ პროკურატურაში აიძულეს.

მუხლი არის მსუბუქი, არასაპატიმრო (ანუ წინასწარ პატიმრობაში არ უნდა იყოს პირი), ითვალისწინებს 0-დან 3 წლამდე პატიმრობას ან ჯარიმას.

სასამართლო პროცესები ჯერ არ დაწყებულა, უკვე ორჯერ გადადეს, ჯერ 17 ნოემბერს უნდა დაწყებულიყო, მერე 18 დეკემბრისთვის გადადეს და ეხლა 15 იანვარს გადაიტანეს პროკურატურის მოთხოვნით. დარწმუნებული ვარ ახალ საქმეს კერავენ და ეს დრო ამისთვის სჭირდებათ.

აი, ეს არის და ეს - მოკლე ისტორია სახელად "პატიმრობიდან ტყვეობამდე...", – წერს ანი ნადარეიშვილი.