12 მაისს, გამთენიისას ისრაელმა ასობით საჰაერო დარტყმა განახორციელა ღაზას სექტორზე მას შემდეგ, რაც ისლამისტურმა დაჯგუფებამ ჰამასმა და პალესტინის სხვა შეიარაღებულმა ძალებმა სარაკეტო ცეცხლი გაუხსნეს თელ-ავივს და ბეერ შევას.

ისრაელის საჰაერო დარტყმების შედეგად, ღაზაში ერთი 13 სართულიანი საცხოვრებელი კორპუსი ჩამოინგრა, მეორე კი ძლიერ დაზიანდა. მედიის ცნობით შენობაში განთავსებული იყო ჰამასის დაზვერვის ცენტრი და დასავლეთ სანაპიროს სარდლობა. ისრაელმა ასევე იერიში მიიტანა რაკეტების გაშვების მოედნებსა და ჰამასის ოფისებზე.

ისრაელის თავდაცვის სამინისტრო აცხადებს, რომ განხორციელებული საჰაერო იერიშების შედეგად მოკლულია ჰამასის სამხედრო დაზვერვის ხელმძღვანელი ჰასან კაოგი და მისი მოადგილე ვაილ ისსა.