ხელისუფლებამ და მიშელის დოკუმენტზე ხელმომწერმა ოპოზიციამ დღეს საარჩევნო რეფორმის ცვლილებასთან დაკავშირებით შეხვედრა გამართა. ჯერ-ჯერობით, რაზეც მხარეებმა შეთანხმება მოახერხეს, ეს არჩევნებში ამომრჩეველთა რეგისტრაციის ID ბარათებით შესაძლებლობა იქნება, ძველი პირადობები კი ვარგისიანობას დაკარგავს:

"ერთი კონკრეტული შედეგი შემიძლია გითხრათ, რაზეც უკვე შევთანხმდით. ძველი პირადობის მოწმობებით არჩევნებში მონაწილეობა აღარ იქნება, ანუ მხოლოდ ID ბარათებით იქნება. რაც ძალიან მაგარი მიღწევაა - ეს 1 საათის მუშაობის შედეგია. ტექნოლოგიური საკითხები გავცვალეთ", - განაცხადა "სტრატეგია აღმაშენებლის ლიდერმა გიორგი ვაშაძემ.

ოპოზიციის მიერ წარდგენილი საარჩევნო რეფორმის პაკეტი საარჩევნო ადმინისტრაციის ცვლილებასაც ივალისწინებს, გარდა ამისა, შეცვლილია საარჩევნო კომისიების დაკომპლექტების წესები, თუმცა, აღნიშნულ საკითხებზე შეთანხმება ჯერ ვერ მოხერხდა.