ენმ-ს ლიდერის ნიკა მელიას მამა ანზორ მელია შვილის გათავისუფლებას რუსთავის სასჯელაღსერულების დაწესებულებასთან ელოდება. მისი თქმით, ბედნიერია იმით, რომ შვილიშვილთან ტყუილის თქმა აღარ მოუწევს და სანდროს მამა მალე შეხვდება:

"ბედნიერი ვარ იმით, რომ ნიკა დღეს იქნება თავის შვილთან ერთად და სანდროსთან ტყუილების თქმა არ დამჭირდება იმიტომ, რომ ხან რას ვეუბნებოდი ხან რას და დღეს ბედნიერი ვარ, რომ ჩაეხუტებიან ერთმანეთს.

მე მეამაყება ნიკას ასეთი ძლიერი პოზიცია, ის არ არის მოღალატე და არასდროს უღალატებს იმას, რასაც ფიქრობს, ის არის სამშობლოს ერთგული, ნამდვილი ქართველია, უყვარს საქართველო და საქართველოსთვის სიცოცხლესაც კი დადებს. მე ამაში დარწმუნებული ვარ და ბედნიერი ვარ, რომ ჩემმა ნიკამ ამ ასაკში ამხელა სიყვარული დაიმსახურა" - განაცხადა ანზორ მელიამ.