ნაციონალური მოძრაობა მხარს უჭერს ადგილობრივი თვითმმართველობის არჩევნებში პარტიის ლიდერის ნიკა მელიას წარდგენას, თუმცა აცხადებენ, რომ საბოლოო გადაწყვეტილებას ენმ-ს თავმჯდომარე მაშინ მიიღებს, როდესაც ის საპატიმროს დატოვებს.

ნაციონალური მოძრაობის წევრის ლევნ ხაბეიშვილის განცხადებით, ვინმეს თუ შეუძლია ქართული ოცნების არჩევნებში დამარცხება, ეს სწორედ ნიკა მელიაა:

"ვინმეს თუ შეუძლია თბილისის მოგება "ქართული ოცნებისთვის", ეს არის ნიკა მელია და გლდანში ეს მან ცხადად აჩვენა. რა თქმა უნდა, ჩვენთვის მნიშვნელოვანი იქნება, თუ ნიკა მელია მიიღებს ამ გადაწყვეტილებას", - აღნიშნა ხაბეიშვილმა.

ენმ-ს წევრის ირაკლი ნადირაძის თქმით, ნიკა მელია გამარჯვების ფორმულაა და მის გარშემო ბევრი ადამიანი გაერთიანდება:

"ის რომ ნიკა მელია არის გამარჯვების ფორმულა ეს ჩვენ უკვე ვნახეთ საპარალამენტო არჩევნებზე, დარმწუნებული ვარ რომ ნიკა მელიას გარშემო ძალიან ბევრი ადამიანი გაერთიანდება. ის ნამდვილად იქნება გამაერთიანებელი ლიდერი, რომელიც თუ დათანხმდა მერობის კანდიდატურას ნამდვილად მოიგებს ამ ბრძოლას" - განმარტა ნადირაძემ.