"ნოდარ მელაძის შაბათის" ეთერში გასული სიუჟეტის გმირი, რომელიც ელიტურ კორუფციაში ამხილეს, ტელეკომპანიის წინააღმდეგ ჩივილს აპირებს.

აჭარის ფინანსთა მინისტრი ჯაბა ფუტკარაძე აცხადებს, რომ გასულ სიუჟეტში მოწვეული რესპონდენტები ვერ ადასტურებენ მის კავშირს კორუფციულ სქემასთან:

"ტელეკომპანია პირველზე, კერძოდ, "ნოდარ მელაძის შაბათში" გავრცელებულ ცრუ ინფორმაციაზე, რომელიც მიზნად ისახავდა, ჩემი და აჭარის ფინანსთა სამინისტროს დისკრედიტაციას. მნიშვნელოვანია, რომ არც საქმეში არსებული დეტალები და არც სიუჟეტში მოწვეული რესპოდენტები არ დ ავერ ადასტურებენ, როგორც ჩემი ან პირდაპირი ან ირიბი ფორმით ჩართულობას და რაიმე კავშირს საქმესთან, ჩვენ ტელეკომპანია პირველის ჟურნალისტს ვუჩივით სასამართლოში", - აცხადებს ფუტკარაძე.

"ნოდარ მელაძის შაბათის" ეთერმა ელიტური კორუფციის ის დოკუმენტი მოიპოვა, რომელსაც გრიფით საიდუმლო დაადეს. სუს-ის საგამოძიებო მასალებით დადგინდა, რომ 2020 წლის ზაფხულში ირანელ ბიზნესმენს სასტუმროს ასაშენებელი მიწის ყიდვის სანაცვლოდ მინისტრი ფუტკარაძე ქრთამს, დაახლოებით 348 ათას დოლარს სთხოვდა.