ენმ-ს წევრი გიორგი ბოტკოველი რუსთავის მე-12 სასჯელაღსრულების დაწესებულებაში პარტიის დაპატიმრებულ ლიდერს ნიკა მელიას შეხვდა.

შეხვედრიდან გამოსულმა ბოტკოველმა ჟურნალისტებთან გააკეთა კომენტარი და განაცხადა, რომ ნიკა მელია ევროკავშირის გირაოზე თანახმაა, რაც შეეხება ამნისტიის კანონპროექტს, მისი პოზიცია უცვლელია:

"ამნისტიის პროექტთან დაკავშირებით, მისი პოზიცია უცვლელია. ის თანახმაა ევროკავშირის გირაოზე, მაგრამ ეს არ არის გირაო, ეს იქნება გამოსასყიდი ცივილიზებული სამყაროს მხრიდან პოლიტიკური პატიმრისა და დარწმუნებული ვარ, ეს ძალიან მალე მოხდება და ნიკა მელია თავისუფალი იქნება, ეს შეიძლება იყოს 3, 5 დღე, ერთი კვირა, მაგრამ დარწმუნებული ვარ, ეს მალე იქნება", - განაცხადა ბოტკოველმა.