ამერიკული ორგანიზაცია "ჟურნალისტთა დაცვის კომიტეტი" (CPJ) დავით გარეჯში მომხდარ თავდასხმასა და "მთავარი არხის" გადამღებ ჯგუფზე ფიზიკური ძალადობის ფაქტს ეხმაურება.

არასამთავრობო ორგანიზაცია საჭიროდ თვლის, საქართველოს ხელისუფლებამ დროულად გამოიძიოს მომხდარი ფაქტი და უზურუნველყოს თავისუფალი და უსაფრთხო მუშაობის პროცესი:

"საქართველოს ხელისუფლებამ სერიოზულად უნდა აღიქვას ჟურნალისტებზე ნინო კეკელიასა და ირაკლი კვარაცხელიაზე თავდასხმა, საფუძვლიანად გამოიძიოს ინციდენტი და უზრუნველყოს დამნაშავეების აღმოჩენა და მათი პასუხისმგებლობის საკითხი. აუცილებელია, რომ საქართველოში ჟურნალისტებმა შეძლონ მნიშვნელოვანი პოლიტიკური მოვლენების შესახებ თავისუფლად და შიშის გარეშე რეპორტაჟების გაკეთება, ხელისუფლების ამოცანაა მათი უსაფრთხოება", - ნათქვამია განცხადებაში.