ენმ-ს წევრი გიორგი ბოტკოველი რუსთავის მე-12 სასჯელაღსრულების დაწესებულებაში ნიკა მელიასთან შესახვედრად შევიდა.

საპატიმროში შესვლამდე მან ჟურნალისტებთან გაკეთა კომენტარი და იმ თემების შესახებ ისაუბრა, რომელსაც პარტიის თავმჯდომარესთან შეხვედრის დროს განიხილავს:

"ჩვენ ვისაუბრებთ, როგორც დღეს ქვეყანაში შექმნილ სიტუაციაზე, ისე სამომავლო გეგმებზე. ნიკა არის "ნაციონალური მოძრაობის" თავმჯდომარე და მისი ციხეში ყოფნის პერიოდში ჩვენ ყველა გადაწყვეტილებას, რა თქმა უნდა, ვიღებთ მასთან შეთანხმებით. დღევანდელი შეხვედრაც იმას ეხება, რომ "ნაციონალური მოძრაობის" ყველა პოზიცია იქნება შეთანხმებული ნიკა მელიასთან. ჩვენ ვისაუბრებთ ყველაფერზე, რაც შეეხება "ნაციონალურ მოძრაობას". განვიხილავთ, რა თქმა უნდა, ქვეყანაში მიმდინარე კრიზისს. იმის მერე რაც ვითომ შეთანხმება მოხდა და ხელი მოეწერა დოკუმენტს. რა თქმა უნდა, ვისაუბრებთ ასევე ადგილობრივ არჩევნებთან დაკავშირებით. თუმცა, მინდა აღვნიშნო, რომ ჩვენ აქამდე ამ თემაზე არ გვისაუბრია და არ ვთვლიდით საჭიროდ, რომ ნიკა მელიას გამოსვლამდე გვესაუბრა რაიმე არჩევნებზე", - განაცხადა ბოტკოველმა.