ხვალ, რუსთავის მე-12 სასჯელაღსრულების დაწესებულებაში, ეროვნულ-დემოკრატიული პარტიის თავმჯდოარე, კოალიცია „ძალა ერთობაშია“ წევრი ბაჩუკი ქარდავა პატიმრობაში მყოფ ოპოზიციის ლიდერს ნიკა მელიას შეხვდება.

როგორც ედპ-ის ლიდერმა „ნიუპოსტს“ განუცხადა, შეხვედრის მიზანი უახლოესი პოლიტიკური დღის წესრიგიდან გამომდინარე საკითხებია, რომელსაც ბაჩუკი ქარდავა ნიკა მელიასთან განიხილავს.

„სრულიად ცხადია, თუ რატომ აფერხებს ბიძინა ივანიშვილი ნიკა მელიას გათავისუფლებას, მიუხედავად ჩვენი სტრატეგიული პარტნიორების, ევროკავშირისა და აშშ-ის მაღალი რანგის პოლიტიკოსების ჩართულობისა და მათი კატეგორიული მოთხოვნისა.

ქვეყანაში, რომლის ერთადერთი მიზიდულობა და მსოფლიოს ინტერესი დემოკრატიული განვითარებაა, პოლიტიკური პატიმრების ყოლას არავინ შეეგუება. დღეს უკვე ნიკა მელიას პატიმრობა, შეიძლება პირდაპირ დავარქვათ, რომ ეს არის ბიძინა ივანიშვილის გალაშქრება ქართული სახელმწიფოს წინააღმდეგ.

რაც შეეხება შეხვედრის კონკრტულ თემებს, ჩემი მხრიდან ორი საკითხი იქნება, პირველი - ბუნებრივია, ყველაფერი უნდა გაკეთედეს, რომ ნიკა მელიას პატიმრობა რაც შეიძლება დროულად დასრულდეს და ევროკავშირის ბერკეტები სრულფასოვნად იქნას ამისთვის გამოყენებული და მეორე - ნიკა მელია დღევანდელ პოლიტიკურ ოპოზიციაში წარმოადგენს გარკვეული მიზიდულობის ცენტრს, და უახლესი პოლიტიკური დღის წესრიგიდან გამოდინარე, მას შეუძლია პოზიტიურ როლი ითამაშოს არა მხოლოდ თავისი პარტიის ამოცენებისთვის, არამედ ზოგადად ოპოზიციისთვის“ - განაცხადა ბაჩუკი ქარდავამ.

შეხვედრა ხვალ, 7 მაისს 12:00 საათზეა დანიშნული.