"რესპუბლიკური პარტიის" ლიდერი თამარ კორძაია რუსთავის მე-12 სასჯელაღსრულების დაწესებულებაში ენმ-ს დაკავებული თავმჯდომარის ნიკა მელიას მოსანახულებლად შევიდა. საპატიმროში შესვლამდე კორძაიამ ჟურნალისტებთან გაკეთა კომენტარი და განაცხადა, რომ მელიასთან სამომავლო გეგმებზე აპირებს საუბარს. მისი თქმით, ნიკა მელია ოპოზიციური პარტიების მომავალია:

"ნიკა მელია უკვე უნდა იყოს გარეთ, მაგრამ "ქართულმა ოცნებამ" გადაწყვიტა, რომ არდადეგები გამოაცხადოს, არ იმუშაოს. ამიტომ, ვფიქრობ, რომ უნდა შევიდე, ვისაუბრო ყველაფერზე, მისი აზრი მოვისმინო, როგორ ხედავს საკუთარ თავს ციხის გარეთ, როგორ გეგმავს მომავალს, იმიტომ, რომ ნიკა მელია არის ოპოზიციური პარტიების მომავალი ამ ქვეყანაში და მისი აზრი ძალზედ მნიშვნელოვანია", - განაცხადა თამარ კორძაიამ.