ენმ-ს პოლიტსაბჭოს წევრი კობა ნაყოფია რუსთავის მე-12 სასჯელაღსრულების დაწესებულებაში პარტიის დაკავებულ თავმჯდომარეს ნიკა მელიას შეხვდა. შეხვედრიდან გამოსულმა ჟურნალისტებთან გააკეთა კომენტარი. კითხვაზე, დააყენებს თუ არა მელია საკუთარ კანდიდატურას თვითმმართველობის არჩევნებზე, ნაყოფიამ უპასუხა, რომ ოპოზიციის ლიდერს გადაწყვეტილების მიღებამდე პარტნიორ ოპოზიციურ პარტიებთან სურს გასაუბრება:

„პირდაპირ ასე მითხრა, სანამ რაიმე გადაწყვეტილებას მივიღებ, პარტნიორ პოლიტიკურ პარტიებს უნდა შევხვდე, ვერ მივიღებ გადაწყვეტილებას, სანამ არ დაველაპარაკები, როგორც საპარლამენტო, ისე არასაპარლამენტო ოპოზიციის წარმომადგენლებსო. ასევე „ერთიანი ნაციონალური მოძრაობის“ პარტიულ აქტივს და მის ხელმძღვანელობას“, - განაცხადა ნაყოფიამ.