კარტოგრაფების საქმეზე ბრალდებული ივერი მელაშვილი მის მიმართ აგრესიული განცხადებების ავტორებს პასუხობს. მელაშვილის თქმით, მსგავსი განცხადებები არა მხოლოდ მას, ქვეყანასაც ვნებს და საზოგადოებას ორად ხლიჩავს. მეცნიერის განმარტებით, სანამ სასამართლო განაჩენი არ დადგება, მსგავსი ბრალდებებისგან ყველამ თავი უნდა შეიკავოს:

"ყველას უმორჩილესად ვთხოვ, მოკრძალებით, თავი შეიკავონ ისეთი განცხადებებისგან, თითქოს განაჩენი გამოაქვთ უკვე, რაღაც მოღალატე და ა.შ. სანამ სასამართლო განაჩენი არ დადგება მანამდე თავი შეიკავონ ბრალდებისგან. არ არის ეს ასე. ეს მხოლოდ სიძულვილს თესავს, ეს ვნებს ქვეყანას, საზოგადოებას ხლეჩს ორად. მარტო ჩემთან მიმართებით არაა ეს. ქვეყანას ვნებს, ქვეყნის ინტერესებს ვნებს. ამ განცხადებების ფონზე, ვერ ვხედავ, რომ ჩემი უსაფრთხოება დაცულია, პირიქით, აქეზებენ ასეთ გამოვლინებებს, ეს ხელისუფლების მხრიდანაა ძირითადად. არ ვიცი ეს მარაზმი სადამდე უნდა გაგრძელდეს. კიდევ კარგი ერთადერთი საშუალება ის მაქვს, რომ მედიასთან გამოვდივარ და ვამბობ, არა ხალხო, ყველას გეუბნებით, მართალი ვარ", - აცხადებს მელაშვილი.