ბოდბელი მიტროპოლიტი მეუფე იაკობი ამბიონიდან პოლიტიკური განცხადებების კეთებას განაგრძობს. ამჯერად მან პარლამენტში შესული ოპოზიციის შესახებ ისაუბრა და განაცხადა, რომ შეთანხმების მიუხედავად, ოპოზიციის მხრიდან მტრობა გრძელდება:

"ზოგს ის არ აინტერესებს, რომ უცხოეთი ჩაერთო. შე დალოცვილო, როცა იმის ჭკუა არ გაქვს, რომ აქ გადაწყვიტო, უცხოეთთან ხო უნდა გქონდეს ურთიერთობა და რაღაც მაინც ისე გააკეთე ან შენ ერს ჰკითხე, რა უნდა, როგორ უნდა.

რამდენი ხანი უნდა ვიყოთ იმაში, შევიდნენ თუ არ შევიდნენ. თუ არ უნდათ, სულ ნუ შევლენ, რომ შევიდნენ რას გააკეთებენ შესვლით და რომ არ შევიდნენ რასაც გააფუჭებენ ხედავთ.

თავს მოტყუებულად თვლიდნენ, რომ რაღაც წაართვეს. ირგვლივ როგორი სიტუაცია გვაქვს, ძალიან მძიმე სიტუაციაში ვართ და ღმერთი გვიფარავს, მტერი არ შემოდის, თორე რომ შემოსულიყო ერთმანეთს გაასწრებდა ყველა, სიმართლე ვთქვათ.

ბევრს გაუხარდა, ვისაც პარლამენტში შესვლა უნდოდა მანამდე სიტყვა ჰქონდათ მიცემული ვერ შედიოდნენ, მერე გაუხარდათ და შევიდნენ, მაგრამ მტრობა ისევ გრძელდება ხო. თუ არ შერიგდით, ვის რაში სჭირდება თქვენი პარლამენტი და თქვენი პარლამენტში შესვლა" - განაცხადა ბოდბელმა ეპისკოპოსმა.