ინფექციური საავადმყოფოს სამედიცინო დირექტორის მარინა ეზუგბაიას განცხადებით, ქვეყანაში ინფიცირების მატების ტენდენცია შეინიშნება, თუმცა მაჩვენებელი საგანგაშო არ არის. მისი თქმით, მაღალი იყო სამედიცინო პერსონალის ინფიცირებაც. ეზუგბაიამ იმედი გამოთქვა, რომ მედისკოსები გააცნობიერებენ მოქალაქეობრივ ვალდებულებას და აიცრებიან ვაქცინით:

„ჩვენ ვიცით, რომ ტესტების რაოდენობას უკავშირდება დადასტურებული შემთხვევების რაოდენობა. 500-600 ძირითადად დასვენების დღეებში არის.

მატების ტენდენცია არის, მაგრამ კატასტროფული მაჩვენებლები არ არის. იმისთვის, რომ არ ვილაპარაკოთ პიკზე, ტესტირებასთნ ერთად გამოვლენის მატებაზე, ამისთვის აუცილებელია წესების დაცვა. ამაზე უნდა გვქონდეს აქცენტი.

ჩემი კლინიკის მონაცემების საფუძველზე, სამედიცინო პერსონალში ავადობის მაჩვენებელი მაღალი იყო. აქედან გამომდინარე, ძალიან ბევრი სამედიცინო პერსონალი იყო ინფიცირებული, მათთან არ არის გასული 4-თვიანი სავალდებულო პერიოდი, რომლის შემდეგ შესაძლებელია აცრის ჩატარება. მე იმედი მაქვს, სამედიცინო პირები გააცნობიერებენ მოქალაქეობრივ ვალს და ამ პერიოდის გავლის შემდეგ ჩაიტარებენ ვაქცინაციას“, - აცხადებს ეზუგბაია.