ორბელიანების სასახლეში დღეს პრეზიდენტი სალომე ზურაბიშვილი მიშელის დოკუმენტზე ხელმომწერი ოპოზიციური პარტიების ლიდერებს ინდივიდუალურად შეხვდება.

ცნობილია ის, რომ შეხვედრაზე დღეს პრეზიდენტთან "სტრატეგია აღმაშენებლის" ლიდერი გიორგი ვაშაძე, "რესპუბლიკური პარტიის" ლიდერი ხათუნა სამნიძე და ოპოზიციონერი პარლამენტარი სალომე სამადაშვილი მივლენ.

შეხვედრაზე განსახილველი თემა ადმინისტრაციულ სამართალდარღვევათა კოდექსში შეტანილი გამკაცრებული ცვლილებებია, რომელზეც ოპოზიცია პრეზიდენტის მხრიდან ვეტოს დადებას ელოდება.