ეთნიკურ და კონფლიქტურ ურთიერთობათა ცენტრი პრემიერმინისტრს მისივე განცხადების განმარტებას სთხოვს, სადაც ღარიბაშვილი აღნიშნავს, რომ დავით გარეჯას საკითხი მალე გადაწყდება.

"საქართველოსა და აზერბაიჯანის ძმური ურთიერთობა, არც ღარიბაშვილის ჩასვლით დაწყებულა და არც მისი უკან დაბრუნებით დასრულდება, ეს უკვე დიდი ხანია გრძელდება.

ძალიან მნიშვნელოვანია, რა განსაკუთრებული ახალი რეალობა აღმოჩნდა დღეს ღარიბაშვილის იქ ჩასვლის შემდეგ. ეს აუცილებლად მან უნდა გვითხრას, რამ განაპირობა აზერბაიჯანის ახალი პოზიცია დავითგარეჯთან დაკავშირებით",- თქვა ეთნიკურ და კონფლიქტურ ურთიერთობათა ცენტრის ხელმძღვანელმა, ლელა ჯეჯელავამ.