„სტრატეგია აღმაშენებლის“ ლიდერის, გიორგი ვაშაძის განცხადებას იმასთან დაკავშირებით, რომ „ქართული ოცნება“ ისვენებს და ყველა „მაისკი პრაზდნიკებზეა“, საპარლამენტო უმრავლესობის წევრი ირაკლი ზარქუა ეხმაურება.

როგორც ზარქუა აღნიშნავს, საქმის კეთება რეალურად ვის სურს, ეს ოპოზიციის ნაწილის ქმედებებიდან ნათლად სჩანს.

„მე არ ვისვენებ, მე „ზაგარი“ მივიღე უკვე. რაღაც ნაწილი მოვისმინე და საოცარი იყო, ადამიანს უნდა მუშაობა და ჩვენ არ ვამუშავებთ. ეს იაფფასიანი თემაა, ყოველ შემთხვევაში, მცდელობა, რადგან საზოგადოებამ იცის, ამნისტიაზე ვინც მუშაობდა – ანრი ოხანაშვილი, ირაკლი კობახიძე და ზაზა პაპუაშვილი არიან, ისინი გერმანიაში იმყოფებიან და ერთ-ერთ მთავარ სატრატეგიულ პარტნიორთან აქვთ შეხვედრები. მობრძანდეს, გუშინაც პარლამენტში ვიყავი, პენსიონერების თემაზე ვმუშაობ, მათ შორის, ეროვნულ ბანკთან, სამინისტროსთან, ხვალ შეხვედრა მაქვს ჩანიშნული ქალბატონ ტყეშელაშვილთან. ვინ დაუშალა? ასეთი იაფფასიანი ტრიუკებია.

მე მაქვს „ზაგარი“, მერე? მთავარია, ვისაც რეალურად უნდა მუშაობა, გამოჩნდა. 6 თვე იბოდიალეს, სხვა ვერაფერს დავარქმევ ამას, გულზე მჯიღის დადება და რაღაც იყო, ახლა ყველანი პარლამენტში სხედან და ახლა ერთმანეთს ებრძვიან, ასე სამარცხვინო თემებია, რაც ხდება“. – განაცხადა ზარქუამ “პალიტრანიუსის” ეთერში.