საგარეჯოს მუნიციპალიტეტის საკრებულოს წევრი ალექსი იოსელიანი მთავარი არხის ჟურნალისტებთან გარეჯში მომხდარი დაპირისპირების შესახებ კითხვებს არ პასუხობს, თუმცა მისგან განსხვავებით, იოსელიანის ნათესავი გამოირჩევა ჟურნალისტებთან კომუნიკაციით და იმ მოძალადეებს უხდის მადლობას, ვინც გუშინ გადამღებ ჯგუფს ფიზიკურად გაუსწორდა. ანა იოსელიანის თქმით, მელაშვილმა და ჟურნალისტმა ნინუცა კეკელიამ თავად მოაწყვეს პროვოკაცია, ადგილობრივებმა კი მათ საკადრისი პასუხი გასცეს:

"ინციდენტთან დაკავშირებით ვიცი ის, რომ ამხელა დღესასწაულზე ჩვეულებრივი პროვოკაცია მოეწყო ივერი მელაშვილის მხრიდან, რა თქმა უნდა, თანმხლებ ჟურნალისტებთან ერთად, ეს იყო ჩვეულებრივს ცალსახა პროვოკაცია ამხელა დღესასწაულზე გარეჯში შეურაცხმყოფელად მივარდნა. მანამდეც ჰქონდა ფაქტი ივერი მელაშვილის აქ ამოსვლას და მაშინ ისე ჩაიარა ამ ყველაფერმა, ვფიქრობ, ზუსტად ის იყო საბაბი იმის, რომ მეორედაც გაბედა.

თითოეული მოქალაქის, უდაბნოს მაცხოვრებლის პირადად ჩემი მადლობა ვინც დახვდა და საკადრისი პასუხი გასცა მას, რაც ეკუთვნოდა. ადგილობრივი მოსახლეობის მიერ ბევრად უფრო ლოიალური დამოკიდებულება და ლმობიერი რეაქცია ვიდრე მას რეალურად ეკუთვნოდა, მან გარეჯი გაყიდა, მან საქართველო გაყიდა, ის არის მოღალატე", - განაცხადა ანა იოსელიანმა.