ლიტველები ქართული ციხეებით დაინტერესდნენ

სამართალი - 13:04, 29 Sep, 2012

591

,,პირველად გლდანის ციხეში პატიმრებზე განხორციელებული სექსუალური ძალადობის შესახებ ტელევიზიით შევიტყვე, შემდეგ ლიტვის იუსტიციის მინისტრმა დამირეკა და საქართველოში გამგზავნა. საქართველოში ყოფნის დროს იმ ორ პატიმართან გასაუბრების საშუალება მომეცა, რომლებიც ფილმში არიან გადაღებული. ვინაიდან საქართველოში ქვეყნის პროკურატურის მოწვევით ვიმყოფებოდი, ასევე როგორც ექიმი და სასამართლო ექსპერტი, დავინტერესდი, მართლაც ჰქონდა თუ არა მათზე ადგილი სექსუალურ ძალადობას. პატიმრებმა მათ წინააღმდეგ განხორციელებული სექსუალური ძალადობის ფაქტი უარყვეს. არც ის თქვეს თუ როგორ აღმოჩნდნენ ისინი ამ ფილმში, ამის შესახებ საქართველოს პროკურატურამ უფრო მეტი იცის. მათ მხოლოდ ის მითხრეს, რომ ისინი გააფრთხილეს, დამდგარიყვნენ იმ პოზიციაზე, რაც ფილმში უჭირავთ და ეკეთებიანათ ის რაც გააკეთეს. ერთ-ერთმა მათგანმა ზუსტად მითხრა, კონკრეტულად როგორ უნდა მოქცეულიყო. ხოლო მეორემ ამაზე საუბარი არ ისურვა. მან უბრალოდ ის თქვა, რომ ადამიანებს, რომლებიც მათ აწამებდნენ, მათზე სექსუალურ ძალადობა არ განუხორციელებიათ.კონკრეტულ ამ ორ პატიმართან დაკავშირებით, რომელიც ვიდეოშია ნაჩვენები, საქართველოს პროკურატურას ვუთხარი, რომ მათი გამოკვლევა მჭირდება, რადგან ასეთი სახის ცუდი მოპყრობის შემდეგ მათ სხეულზე რაიმე სახის კვალი შესამჩნევი უნდა იყოს. მათ ასეთი ნიშნები სხეულზე არ აქვთ. როგორც ექიმს, შემიძლია გითხრათ, რომ შემიძლია ვუარყო ის სექსუალური ძალადობის ფაქტი, რომელიც ვიდეოშია ნაჩვენები.ასეთი სექსუალური ძალადობის ნიშნები ადამიანზე წელზე მეტ ხანს რჩება, მე მათზე ასეთი სახის ნიშნები ვერ ვიპოვე- აცხადებს ექიმი და წინასწარი დასკვნით აღნიშნავს, რომ ვიდეოში ნაჩვენები სექსუალური ძალადობა სინამდვილეში პატიმრებზე არ განხორციელებულა. მე ექიმი ვარ და მხოლოდ სამედიცინო დასკვნების გაკეთება შემიძლია. მე მაქვს ჩემი პირადი შეხედულებები, მაგრამ გამართლებული არ იქნება, რომ ამის შესახებ სახალხოდ ვისაუბრო.“-აცხადებს ექიმი-კრიმინალისტი.