"ნუ მატყუებ. მართე პანდემია და მოხსენი კომენდანტის საათი" - ამ ტრანსფარანტით, ზუგდიდში, ერთი კაცის აქცია მიმდინარეობს.

როსტომ ზარანდია აცხადებს, რომ მისთვის შეურაცხმყოფელია ხელისულფლების ტყუილი, თითქოს პანდემიის მართვაზე გადაადგილებაზე დაწესებული შეზღუდვა გავლენას ახდენს.

"სინამდვილეში მაჩლუნგებენ და მაჩვევენ მონობას, რომ სახლში ვიჯდე. არ მინდა, ერთი ცხოვრება მაქვს და ძილში გავატარო. მინდა ხალხმა ნახოს, რომ არ უნდა იყვნენ უაზრო მორჩილებაში, თორემ მართონ პანდემია რეალურად. მოხეხონ მაინც მოედნები და კომენდანტის საათი გააუქმონ", - ამბობს როსტომ ზარანდია "ლაიპრესთან".