"რატომ უნდა შეწუხდეს ევროპელი გადასახადის გადამხდელი ნიკანორ მელიას გირაოს გადასახდელად? " , - აცხადებს ყოფილი პარლამენტის თავმჯდომარე და "ქართული ოცნების" წევრი, არჩილ თალაკვაძე ,"ენმ"-ს თავმჯდომარის, ნიკა მელიას, გირაოზე საუბრისას.

"საბოლოო ჯამში, მას [ნიკა მელიას] მაინც მოუწია დაფიქსირება, რომ მისთვის გირაო მისაღებია. რამდენად სწორია და ქვეყანაზე ფიქრობს თუ თავის თავზე, როცა ევროკავშირს სთხოვს ფულის გადახდას, საზოგადოებამ განსაჯოს. რატომ უნდა შეწუხდეს ევროპელი გადასახადის გადამხდელი ნიკანორ მელიას გირაოს გადასახდელად? საბოლოო ჯამში, მნიშვნელოვანი პროცესია ის, რომ მელიაზე საბოლოო გადაწყვეტილება უნდა მიიღოს სასამართლომ და მიუხედავად იმისა,ის გამოვა თუ არა გირაოთი, საბოლოო გადაწყვეტილებას მაინც ელოდება" , - აცხადებს თალაკვაძე"პალიტრანიუსთან".