პრეზიდენტის შეწყალების შედეგად გათავისუფლებულმა "მთავარი არხის" მეწილემ გიორგი რურუამ გადაცემა "დღის სტუმარში" ნიკა მელიას მიმართა და უთხრა, რომ ის ყველას ძალიან სჭირდება და მის გამოსვლას მოსახლეობის დიდი ნაწილი მოუთმენლად ელოდება:

"მე მინდა მოვიკითხო ნიკა, ჩემი მეგობარი. გუშინდელიდან, ძალიან ბევრი ადამიანი მოვიდა სანახავად, დამირეკა და ყველა შენ, არამარტო მხარს გიჭერს და გგულშემატკივრობს, შენი იმედი აქვთ, რომ გამოხვალ. მეც ასე ვფიქრობ, რომ შენი გამოსვლა ძალიან მნიშვნელოვანია ყველაფრისთვის. ეს შენც იცი, შენი უნარები ამის საშუალებას გაძლევს. გელოდები გარეთ, არამარტო მე, ჩვენი მოსახლეობის უმრავლესობა, შენი მეგობრები, ოჯახის წევრები, სანდრო, მაიკო, ყველა...

ჯანმრთელობას გისურვებ, კარგად გამოიყურები და გუშინ რაც ვთქვი, ისევ იმ აზრზე ვარ და გელოდები მოკლედ, ყველაფერი წინ არის და გვჭირდები" - აღნიშნა რურუამ.