ბორდერიზაცია და უკანონო პატიმრობა - ინციდენტების პრევენციისა და მათზე რეაგირების მექანიზმის სამუშაო ჯგუფის 99-ე შეხვედრა დასრულდა

პოლიტიკა - 18:20, 27 Apr, 2021

901

ინციდენტების პრევენციისა და მათზე რეაგირების მექანიზმის სამუშაო ჯგუფის 99-ე შეხვედრა 6 საათიანი განხილვის შემდეგ ცოტა ხნის წინ დასრულდა. ქართულმა მხარემ საოკუპაციო რეჟიმის წარმომადგენლბთან საქართველოს მოქალაქეების უკანონო ტყვეობაში ყოფნასა და უკანონო ბორდერიზაციის პროცესებზე იუსაუბრა. როგორც სახელმწიფო უსაფრთხოების სამსახურის საინფორმაციო ანალიტიკური დეარტამენტის დირექტორის მოადგილემ ირაკლი ანთაძემ შეხვედრის დასრულების შემდეგ განაცხადა, საოკუპაციო რეჟიმის წარმომადგენლები მმდევნო დიალოგისთვის მზადყოფნას გამოთქვამენ:
"დღევანდელ შეხვედრაზე, ბუნებრივია, მთავარი განსახილველი საკითხი ჩვენი თანამოქალაქეების საკუთარ ოჯახებში დაბრუნების გადაწყვეტა. თქვენ კარგად მოგეხსენებათ, ეს იყო უპრეცედენტო ჩართულობა, რაც გამოიჩინეს ჩვენმა საერთაშორისო პარტნიორებმა უკანონო პატიმრობაში მყოფი ჩვენი ყველა თანამოქალაქის მიმართ. დიალოგი შედგა და იყო ძალიან საინტერესო. ამ კუთხით მუშაობა გრძელდება. რაც მთავარია, დიალოგის გაგრძელებაზე თანხმობა არის, ჩვენ შევხვდებით უკანონო პატიმრობაში მყოფი პირების ოჯახის წევრებსაც და გავუზიარებთ ჩვენს მოსაზრებებს, ასევე საუბარი შეეხო ისეთ მკტივნეულ და პრობლემურ საკითხს, რაც ჩვენ გაგვაჩნია საოკუპაციო ხაზის გასვწრივ, ეს არის უკანონო ბორდერიზაცის პროცესი, კიდევ ერთხელ დაფიქსირდა ცენტრალური ხელისუფლების პოზიცია, ჩვენ ვიქნებით შეურიგებელი ამ თითოეული უკანონო ბორდერიზაციის ფაქტის მიმართ, რომელიც პირდაპირ ბმაშია საოკუპაციო ხაზის გასწვრივ მცხოვრები ადგილობრივი მოსახლეობის როგორც სიცოცხლის და თავისუფლების ყოველდღიურ ინტერესებთან" - გნაცხადა ანთიძემ.