ოპოზიციასა და მმართველ პარტიას შორის 20 ივნისის ამნისტიის შესახებ კანონპროექტზე მსჯელობა დახურულ კარს მიღმა მიმდინარეობს. მხარეები განიხილავენ საკითხს, როგორ უნდა მოხდეს ამნისტიის კანონის ისე ამოქმედება, რომ "გავრილოვის ღამეს" დაზარალებულთა ინტერესები დაცული იყოს.

შეხვედრაში მონაწილეობენ პარლამენტის წევრები უმრავლესობიდან: ანრი ოხანაშვილი, მიხეილ სარჯველაძე და შალვა პაპუაშვილი, ხოლო ოპოზიციიდან - ანა ნაცვლიშვილი, სალომე სამადაშვილი, ხათუნა სამნიძე, ვახტანგ მეგრელიშვილი, შალვა შავგულიძე, ალეკო ელისაშვილი, დავით ზილფიმიანი, ფრიდონ ინჯია, ლევან იოსელიანი.

იმ შემთხვევაში, თუ მხარეებს შორის პოზიციები შეჯერდება, კანონის ინიცირება დღესვე მოხდება.