ჯანდაცვის მინისტრის ეკატერინე ტიკარაძის განცხადებით, საქართველო "ფაიზერის" მილიონ დოზას მალე მიიღებს, რაც შეეხება "ასტრაზენეკას", 43 ათასი დოზა 30 აპრილისთვის შემოვა ქვეყანაში:

"ზუსტი ინფორმაცია გვაქვს, რომ ფაიზერის მილიონამდე დოზას მივიღებთ, თუმცა, ვაზუსტებთ მოწოდების ბაზას დოზებზე. ასევე გვაქვს ზუსტი ინფორმაცია, რომ მივიღებთ ​ ასტრაზენეკას 43 ათას დოზას 30 აპრილისთვის. ასევე წარმატებით მიმდინარეობს სინოფარმთან მოლაპარაკება და დამატებით 250 ათასი დოზა არის დაპირებული სინოფარმის მხრიდან ივნისში" - განაცხადა ტიკარაძემ.

პრემიერ-მინისტრის ირაკლი ღარიბაშვილის თქმით, "ფაიზერის" ვაქცინი დამატებითი დოზების მოწოდების საკითზე აქტიურად მუშაობს:

"სატელეფონო საუბრისას "ფაიზერის" დამატებით მილიონი დოზის მოწოდების საკითხი განვიხილეთ.

ვისაუბრეთ საქართველოში "ფაიზერის" დამატებითი დოზების მიღების კუთხით ლოჯისტიკურ და ტექნიკურ მზადყოფნაზე, მათ შორის ულტრა ცივი ჯაჭვის სისტემის კუთხით, ასევე - ვაქცინაციის პროცესის მიმდინარეობაზე. აღვნიშნე, რომ "ფაიზერის" ვაქცინა საქართველოში მაღალი სანდოობით სარგებლობს" - განაცხადა ღარიბაშვილმა.