პარლამენტის ახალარჩეული თავმჯდომარის კახა კუჭავას განცხადებით, პპრეზიდენტის მიერ გიორგი რურუას შეწყალება პარტიების ერთიანი მიზნებისთვის ბრძოლის გაგრძელებას შეუწყობს ხელს. მისი განმარტებით, ზურაბიშვილის ნაბიჯი დაძაბულობის განსამუხტად არის გადადგმული:

„პრეზიდენტმა მსგავსი ქმედება პირველად განახორციელა, როდესაც დაახლოებით ერთი წლის წინ გაათავისუფლა უგულავა და ოქრუაშვილი. ეს მეორე ნაბიჯია, რათა ეს დაძაბულობა კიდევ უფრო დაწიოს. ეს მისი პირადი გადაწყვეტილებაა და ფაქტია, რომ ნამდვილად შეუწყობს იმ პროცესს ხელს, რომ კიდევ უფრო დაახლოვდეს და ერთიანი მიზნისთვის ბრძოლა ყველა პარტიამ ერთად გააგრძელოს. უნდა ველოდეთ, რომ ძალიან მალე - დღესვე ან ხვალ, უკვე იქნება შეწყალების აქტი”, - განაცხადა კუჭავამ.