ექვსთვიანი ბოიკოტის შემდეგ მიშელის დოკუმენტზე ხელმომწერი ოპოზიციის ნაწილი დღეს პირველად მივიდა პარლამენტში, თუმცა, მათ შენობაში შესვლა აქციისა და შეძახილების ფონზე მოუწიათ.

"ლელოს" ლიდერის ბადრი ჯაფარიძის განცხადებით, ისინი არ დაუჭერენ 20 ივნისის ამნისტიის ისეთი კანონის ინიცირებას, რომლის საშუალებითაც დამნაშავე ჯალათები პასუხისმგებლობისგან გათავისუფლდებიან:

"დღეს უნდა გათავისუფლდეს რურუა, ჩვენ შემოვედით დღეს იმისთვის, რომ დავრეგისტრირდეთ და ამით გავათავისუფლოთ ერთი ადამიანი და დავიწყოთ ზრუნვა იმისთვის, რომ გამოვიყვანოთ ციხიდან მეორე ადამიანი. არცერთ შემთხვევაში არანაირ ამნისტიის კანონს არ დავუჭერთ მხარს, რომელიც შესაძლებელია შეიცავდეს ოდნავ მაინც რისკს, რომ შესაძლო დამნაშავეებმა თავი აარიდონ პასუხისმგებლობას", - განაცხადა ჯაფარიძემ.