ორი დღე გავიდა მას შემდეგ, რაც არჩილ თალაკვაძემ პარლამენტის თავმჯდომარის თანამდებობა დატოვა და მიზეზი, რომელიც გადადგომას დაუკავშირა, ბევრისთვის გაუგებარი, უმეტესობითვის კი დაუჯერებელ აღმოჩნდა.

როგორც მმართველი გუნდის წევრები აცხადებენ, თალაკვაძე აქტიურად იღებდა მოლაპარაკებებში მონაწილეობას, როგორც "ქართული ოცნების" წარმომადგენელი პირი, ბოლოს კი ხელი მოაწერა დოკუმენტს და ამის შემდეგ პარლამენტის თავმჯდოამრეობის პოსტს, როგორც მხარე, ვეღარ დაიკავებდა.

რამდენად დამაჯერებლად ჟღერს ეს მიზეზი, ცალკე საკითხია, თუმცა, კულუარებში არსებული ინფორმაციით, თალაკვაძის პოსტი გუნდში არსებულ დაპირისპირებას შეეწირა, თუმცა, მას მერობას დაპირდნენ და, სავარაუდოდ, თვითმმართელობის არჩევნებში მის კანდიდატურას წარადგენენ.

ჯერ-ჯერობით უცნობია, დათანხმდება თუ არა ოცნების შემოთავაზებას თალაკვაძე, თუმცა ფაქტია, ამ შეთავაზებით ივანიშვილის გუნდი ყოფილი თავმჯდომარისთვის სპიკერის პოსტის დაკარგვის კომპენსირებას ცდილობს.