ყოფილი პრემიერმინისტრი ვანო მერაბიშვილი მიიჩნევს, რომ მის წინააღმდეგ საქმე ივანიშვილმა შეუკვეთა. ამის შესახებ მერაბიშვილის მიერ გავრცელებულ განცხადებაშია აღნიშნული.

"ქუთაისის საქალაქო სასამართლოში გუშინდელი განხილვის შემდეგ, უკვე დადასტურებული ფაქტია, რომ ჩემს წინააღმდეგ ყველა საქმე შეთხზულია ლაშა ნაცვლიშვილის მიერ, პირადად ბიძინა ივანიშვილის დავალებით. ამ საქმეებს სამართლებრივი პერსპექტივა არ გააჩნია და დარწმუნებული ვარ, რომ ძალიან მალე ხელისუფლება იძულებული გახდება შეწყვიტოს პოლიტიკური დევნა ჩვენს წინააღმდეგ", - ნათქვამია ვანო მერაბიშვილის მიერ გავრცელებულ განცხადებაში.