"არა 20 ივნისის ამნისტიას" - თბილისში ახალი საპროტესტო ტალღა იწყება, პირველი შეკრება რუსთაველის გამზირზე ხვალაა დაანონსებული.

20-21 ივნისს დაზარალებულები და სამოქალაქო აქტივისტები პარლამენტთან 27 აპრილსაც შეიკრიბებიან, როცა ქართული ოცნება კანონპროექტს ოფიციალურად დაარეგისტრირებს.

სისხლიანი ღამის დაზარალებულები ამბობენ რომ 20 ივნისის ამნისტია ანტისახელმწიფოებრივია, ის ემსახურება რუსეთის ინტერესებს და ორიენტირებულია ანტისაოკუპაციო აქციის დარბევის ერთ-ერთი მთავარი შემოქმედის - გიორგი გახარიას მძიმე პოლიტიკური წარსულის გასუფთავებას.

მათივე თქმით, კანონპროექტმა შესაძლოა ერთ სიბრტყეში დააყენოს, როგორც ანტისაოკუპაციო აქციის დამრბევი დამნაშავე სამართალდამცავები, ისე დაზარალებულები, რაც ამორალური და დანაშაულებრივია.