ოცნების დეპუტატი გურამ მაჭარაშვილი პარტია "ლელოს" ინიციატივას ეხმაურება, რომლის მიხედვითაც ევროპარლამენტარები მელიას თავდებში დაუდგებიან. მისი თქმით, ეს წინააღმდეგობაში მოდის იმ დოკუმენტთან, რომელსაც "ლელომ" ხელი მოაწერა:

„ამ შემთხვევაში, ნიკა მელია დილემის წინაშე დააყენეს - გამოვა ვაია, არ გამოვა - ვუია. რაც შეეხება "ლელოს" მოწადინებას, რომ მისი გამოსვლის მესამე კარი გამოიგონოს, ეს წინააღმდეგობაშია იმ პოლიტიკურ შეთანხმებასთან, რომელსაც თავად "ლელომ" ხელი მოაწერა. საქართველოში ამერიკის ელჩისა და ევროპარლამენტარების კომენტარები ვნახეთ, რომ ქვეყანა ვერ გადაყვება ნიკა მელიას გადაწყვეტილებას, გამოვა თუ არა ციხიდან. ნიკა მელიას საკითხი აბსოლუტურად არ არის პრიორიტეტული არა მხოლოდ ქართული საზოგადოებისთვის, არამედ საერთაშორისო პარტნიორებისთვის იმ დონეზე, თუ თავად არ მიიღებს გადაწყვეტილებას,"- განაცხადა მაჭარაშვილმა.