ამერიკის ელჩი საქართველოში კელი დეგნანი პარტიების შეანხმებასა და ნიკა მელიას გათავისუფლების შესახებ აკეთებს კომენტარს და აღნიშნავს, რომ პირადად მელიას გადასაწყვეტია, დატოვებს თუ არა ციხეს, შეთანხმება კი მისი და რურუას გათავისუფლების საშუალებას იძლევა:

"ეს, რა თქმა უნდა, არის ბატონი მელიას პირადი გადაწყვეტილება, დატოვებს თუ არა ციხეს, მაგრამ შეთანხმება იძლევა ბატონი მელიასა და რურუას გათავისუფლების საშუალებას. რაც შეეხება სხვა მოთხოვნებს, რომლებიც ბოლო ექვსი თვის განმავლობაში განიხილებოდა, მე ვთვლი, რომ ეს არის წინ გადაგმული ნაბიჯი და საშუალებას აძლევს საქართველოს, დაიწყოს მუშაობა იმ უზარმაზარი გამოწვევების გადასაჭრელად, რომლის წინაშეც დგას ქვეყანა, მათ შორის, ეკონომიკის აღდგენა, „კოვიდ-19“-თან გამკლავება. ვხედავთ, რომ შემთხვევების რაოდენობა იზრდება, არსებობს სხვა გამოწვევებიც, რომლებიც ნამდვილად ითხოვს სრულად ფუნქციურ პარლამენტს", - განაცხადა დეგნანმა.