გორის რაიონულ სასამართლოში დუშეთის რაიონული პოლიციის ყოფილი ინსპექტორ-გამომძიებლის, ვლადიმერ ფრიდონაშვილის დასკვნითი სასამართლო პროცესი მიმდინარეობს, პარალელურად კი, სასამართლოს ეზოში ავტოსაგზაო შემთხვევის დროს დაღუპული მოზარდის ოჯახი და ახლობლები აქციას მართავენ.

ისინი სამართალდამცველის მფარველობაზე საუბრობენ და აცხადებენ, რომ შესაძლოა სასამართლომ გამამტყუნებელი განაჩენი არ გამოიტანოს. გარდაცვლილის დედის თქმით, ავტომანქანას დუშეთის პოლიციის ინსპექტორ - გამომძიებელი, ვლადიმერ ფრიდონაშვილი ნასვამ მდგომარეობაში მართავდა.

მათივე თქმით, ფრიდონიშვილს ადგილზე საპატრულო პოლიციის თანამშრომლების მიერ ჩატარებული ალკოტესტით ალკოჰოლური თრობა დაუდასტურდა. მათივე თქმით, საქმე არაობიექტურად გამოიძიეს და პოლიციელის დანაშაული არ გამოკვეთეს.

დაცვის მხარე ვარაუდობს, რომ ბრალდებული სასამართლო დარბაზიდან გათავისუფლდება, რადგან საქმეში არსებული მტკიცებულებები მის ბრალეულობას არ ადასტურებს. ოჯახი კი თვლის, რომ ექსპერტიზა გაყალბებულია. ისინი ობიექტურ გამოძიებას მოითხოვენ.