ოცნების დეპუტატის შალვა პაპუაშვილის განცხადების, ნაციონალური მოძრაობა და "ევროპული საქართველო" დოკუმენტს ხელს შეთანხმების ჩაშლის მიზნით არ აწერს. მისი განმარტებით, შეთანხმების ნაწილია, რომ ამნისტიის კანონი შეეხოს ყველას, ვინც 20 ივნისის საქმესთან კავშირშია, მათ შორის სამართალდამცველებსაც.

"ჩვენ გვაქვს ბრალდება, რომელიც წაყენებულია ძალადობაში და ძალადობის დაორგანიზების კუთხით ნიკა მელიას და რამდენიმე პირის წინააღმდეგ.

რაც შეეხება სამართალდამცველებს, არის უფლებამოსილების გადამეტებასთან დაკავშირებით ბრალი წაყენებული. სწორედ შემოთავაზებაც არის ეს, მედიატორის, შარლ მიშელისაც და კონკრეტულად შარლ მიშელისაც, შემიძლია გითხრათ.

ეხება ყველას, ყველა სისხლის სამართლის დანაშაულს, ან სავარაუდო დანაშაულს, რომელიც დაკავშირებულია 20 ივნისთან.

შეთანხმების ნაწილია ამნისტიის კანონის ერთობლივი ინიცირება. რა თქმა უნდა, ხელი მოწერილი არ აქვს ნაციონალურ მოძრაობას და ევროპულ საქართველოს. ვიცით, რომ ისინი ცდილობენ ჩაშალონ ეს ხელშეკრულება და არ უნდათ საკუთარი მარცხის აღიარებას.

რაც შეეხება დანარჩენ პარტიებს, რომლებმაც, როგორც იქნა, შეძლეს და გაემიჯნენ ნაციონალური მოძრაობის და ევროპული საქართველოს დღის წესრიგს და დატოვეს ისინი დამარცხებულები და თავად შემოდიან პარლამენტში, ისინი მხარს უჭერენ",- განაცხადა პაპუაშვილმა.