ენმ-ს წევრი აკაკი მინაშვილი პარტიის ლიდერის ნიკა მელიას საპატიმროში კიდევ ერთხელ შეხვდა. როგორც მან ჟურნალისტებთან განაცხადა, ნაციონალური მოძრაობისა და მათი ლიდერის პოზიცია უცვლელია და ისინი გირაოს გადახდასა და ამნისტიას არ თანხმდებიან. მინაშვილის განმარტებით, სანამ მელია ციხიდან სხვა მქეანიზმით არ გათავისუფლდება, პარტია შეთანხმების დოკუმენტს ხელს არ მოაწერს:

"პოზიცია არ შეცვლილა, ნიკა მელია არ გადაიხდის გირაოს და არ დაეთანხმება არავის მხრიდან გირაოს გადახდას, იმიტომ, რომ ეს არის პოლიტიკური ხარკი, გამოსასყიდი, და მისთვის არის მიუღებელი, იმიტომ, რომ ამის გადახდა ნიშნავს, რომ მომავალში უნდა დაკანონდეს პოლიტიკური დევნა.

ასევე, წინააღმდეგია ამნისტიის, რომელიც წარმოდგენილია, თუ ერთი პოლიციელის ამნისტიაც იგულისხმება, იგი ამ აქტს ეწინააღმდეგება. მან განაცხადა, რომ იგი მონაწილეობას არ მიიღებს ისტორიის გადაწერაში.

პასუხისმგებლობის გადატანა ნიკა მელიაზე, რომელიც ინფორმირებულიც კი არ იყო თუ რა შინაარსის დოკუმენტზე მოაწერეს ხელი ოპოზიციის წარმომადგენელთა ნაწილმა, მათ შორის ნიკა მელიას გათავისუფლების გზებთან დაკავშირებით, არის კატეგორიულად მიუღებელი", - განაცხადა მინაშვილმა.