ოცნების დეპუტატი გია ვოლსკი ზურაბ ჯაფარიძის სადეპუტატო მანდატზე საკონსტიტუციო სასამართლოში შეტანილი სარჩელის საქმეს ეხმაურება და აცხადებს, რომ ნებისმიერი, ვინც საკუთარ თავზე იღებს ვალდებულებას, პარლამენტში გააგრძელოს საქმიანობა, ქვეყნის, ისტორიისა და საზოგადოების წინაშე მართალია:

"ზურაბ გირჩი ჯაფარიძე და ნებისმიერი სხვა, ვინც თავის თავზე იღებს ვალდებულებას, რომ პარლამეტში გააგრძელოს მუშაობა არის მართალი ქვეყნის, ისტორიისა და საზოგადოების წინაშე. მე არანაირი მოლოდინი არ მაქვს ამასთან დაკავშირებით, ვინაიდან არ ვარ მოსამართლე. აქ უნდა გადაწყდეს საკითხი სამართლებრივად ერთია, მაგრამ არის კიდევ მნიშვნელოვანი პოლიტიკური მდგენელი იმ ნაბიჯისა, რომელიც აბათილებს წინა განცხადებებს და არანაირი ნიშნის მოგება არ შეიძლება იყოს ჩვენს შორის" - აცხადებს ვოლსკი.

შეგახსენებთ, საკონსტიტუციო სასამართლოში თამარ კორძაიას, ელენე ოშტარიასა და ზურაბ ჯაფარიძის საქმის განხილვა გადაიდო. მათ სადეპუტატო მანდატის გაუქმების მოთხოვნაზე პარლამენტის უარი გაასაჩივრეს.