მომღერალი გია გაჩეჩილაძე, იგივე უცნობი, რომელიც ბოლო პერიოდში აქტიურად ცდილობს პოლიტიკური მოვლენების ცენტრში აღმოჩნდეს, ამჯერად ჟურნალისტ ვახო სანაიაზე თავდასხმისთვის დაკავებულების გირაოს სანაცვლოდ გამოშვებას ითხოვს.

ის მოუწოდებს პროკურატურას, გირაოს თანხაზე შუამდგომლობა დააყენს, წინააღმდეგ შემთხვევაში აქციების გამართვითა და ქალაქის პარალიზებით იმუქრება:

"მე მინდა, მივმართო პროკურატურას, გირაოთი გამოშვების შუამდგომლობა დააყენოს, თორემ აუცილებლად მოგიწევთ. არ ვაპირებ არანაირი მიტინგების ჩატარებას და მეგაფონებით სირბილს, ერთადერთ რაღაცას რასაც ვაპირებ – მოსვლას, დგომას და თუ რამე იქნება ისეთი, მაგისტრალების გადაკეტვიდან დაწყებული, ყველაფერს, ასე, მდუმარედ. სანამ ადამიანების გულებში არ აღიძვრება სამართლიანობის მომენტი. გაფრთხილებთ, დაიკეტება ყველაფერი, პარალიზება მოხდება.

29-ში არის მოსალოდნელი პროტესტი, მდუმარე პროტესტი. უბრალოდ ქმედება იქნება, სიტყვები და ლაი-ლაი არ იქნება მდუმარე პროტესტია მოსალოდნელი და აუცილებლად ჩვენ ჩვენ საქმეს გავაკეთებთ. ჩვენ არ დავტოვებთ არავის უსამართლოდ სისტემის წინააღმდეგ, ეს იქნება დების და ძმების პროტესტი, ვისაც გული შესტკივა ამ საშინელ უსამართლობაზე", - განაცხადა გაჩეჩილაძემ.