ევროპული საბჭოს პრეზიდენტის შარლ მიშელის შეთანხმების დოკუმენტს ხელი "ლელოს" წევრმა დავით უსუფაშვილმაც მოაწერა.

ხელმოწერის მიუხედავად, უსუფაშვილი აცხადებს, რომ მისი პოლიტიკურ საქმიანობაში ჩართვა პოლიტპატიმრების გათავისუფლებაზე იქნება დამოკიდებული:

„ასე დამკვიდრა, რომ თითქოს სადღაც შევდივარ, არსად შევდივარ, იქედან ვერ გამოვედი, არჩეული პარლამენტის წევრი ჯერ კიდევ ყველას ჰქვია, რაც შეეხება სხდომებში მონაწილეობას და უშუალოდ ამ პროცესში ჩართვას, ეს დაკავშირებულია პოლიტპატიმრების საკითხთან. თუ ეს იქნება უკიდურესად აუცილებელი სწორედ ამ პრობლემის მოსაგვარებლად, მზად ვარ პარლამენტის და სხვა ბევრ შენობაში მივიდე. რაც შეეხება სრულფასოვნად საპარლამენტო საქმიანობის დაწყებას, ეს ნაბიჯებზეა დამოკიდებული" - განაცხადა უსუფაშვილმა.