დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, აღდგომის დღესწაულთან დაკავშირებით შეზღუდვების დაწესება დამოკიდებულია ეპიდსიტუაციაზე, რომელიც წინა დღეებში იქნება. მისი თქმით, იქნება საპატრიარქოთან კონსულტაციები, თუმცა რეკომენდაციები - პირბადის ტარება და დისტანციის დაცვა ისევ მთავარ მოთხოვნად რჩება:

"იქნება საპატრიარქოსთან კონსულტაციები, პირველი, რომ აღდგომის წინა დღეებში ჩვენი თხოვნაა, რომ ტაძრებში დაცული იქნეს მაქსიმალურად ის რეკომენდაციები რაზეც ვსაუბრობთ, ანუ შიგნით ტაძარში და გარეთაც პირბადის აუცილებელი ხმარება, ასევე, დისტანციისა და სანიტარული წესების დაცვა. ასევე, როგორც შარშან განხორციელდა, რადიფიცირება მოხდა ძირითადი ტაძრების და 2 მაისია აღდგომა, თბილა ამ დროს, იყოს ძირითადად მრევლი გარეთ, იქაც რა თქმა უნდა დისტანციის დაცვით", - განაცხადა გამყრელიძემ.