პოლიციელმა 16 წლის აფროამერიკელ გოგონას ესროლა, რომელიც საავადმყოფოში მიყვანამდე გარდაიცვალა

მსოფლიო - 13:40, 21 Apr, 2021

2137

აშშ-ში, ოჰაიოს შტატის ქალაქ კოლუმბუსში პოლიციელმა 16 წლის აფროამერიკელ გოგონას მაკაი ბრაიანტს ესროლა, რომელსაც ხელში დანა ეჭირა. გოგონა საავადმყოფოში გადაყვანისას, გზაში გარდაიცვალა.

პოლიცია ადგილზე დანით შეიარაღებული თავდასხმის მცდელობის ფაქტზე მეზობლებმა გამოიძახეს. თუმცა, მოკლულის დეიდის ინფორმაციით, გოგონამ, რომელსაც სახლის სხვა ბინადრებთან კონფლიქტი მოუვიდა, დანა თავდაცვის მიზნით აიღო.

16 წლის აფროამერიკელი გოგონას სიკვდილს ქალაქში მღელვარება მოჰყვა. ხალხი გასაპროტესტებლად პოლიციის სამმართველოსთან შეიკრიბა. სამართალდამცავები მათ სიმშვიდისკენ მოუწოდებენ.

პოლიციამ სამხრე ვიდეოკამერის ჩანაწერი გაასაჯაროვა. სამართალდამცავები აცხადებენ, რომ ამ გასროლით პოლიციელმა სხვა გოგონას სიცოცხლე გადაარჩინა, რადგან კადრებში ჩანს, რომ პოლიციელი ესვრის გოგონას, რომელის ცდილობს 2 ადამიანს დანით ჭრილობა მიაყენოს. შტატის კანონმდებლობით, სამართალდამცველს გასროლის უფლება მოლოდ იმ შემთხვევაში აქვს, თუ მის ან გარშემომყოფების სიცოცხლეს საფრთხე ემუქრება.

პოლიციელის სამხრე კამერით გადაღებულ ვიდეოში ჩანს, რომ იგი შემთხვევის ადგილზე იმ დროს მიდის, როდესაც უაურკვეველი რაოდენობის ადამიანებს შორის ჩხუბი მიმდინარეობს. გოგონა დანით ცდილობს დაარტყას ის ადამიანს, რომელიც მიწაზე წევს, ხოლო შემდეგ მეორე ადამიანისკენ მიემართება. სწორედ ამდროს პოლიციელი დანით შეიარაღებული გოგონას მიმართულებით 4-ჯერ ისვრის, ხოლო შემდეგ ცდილობს დაჭრილ გოგონას დახმარება აღმოუჩინოს.

მომხდარის გამოძიება განჭვირვალედ და ობიექტურად ჩატარდება, აცხადებს შტატის ხელისუფლება.