დღეს მსოფლიოს სხვადასხვა ქვეყანაში რუსეთის პრეზიდენტის ვლადიმერ პუტინის რეჟიმის წინააღმდეგ აქციები გაიმართება, რომელსაც თბილისი შეუერთდება. მოქალაქეები თავისუფლების მოედანზე 19:00 საათზე შეიკრიბებიან.

აქცია მიმართულია რუსული რეპრესიების წინააღმდეგ, რომელსაც პუტინის ოპონენტი ალექსეი ნავალნი ეწირება.

"ჩვენ გამოვდივართ აქციაზე, რათა მხარი დავუჭიროთ იმ მოქალაქეებს რუსეთში, რომელთაც საპროტესტოდ გამოსვლის არ ეშინიათ!

ჩვენ გვინდა, მათ დაინახონ მხარდაჭერა ჩვენგან!

ჩვენ გვინდა, რომ მსოფლიომ დაინახოს - რუსეთი არა მხოლოდ მეზობელ სახელმწიფოებთან ომში კლავს ადამიანებს, არამედ ქვეყნის შიგნითაც - საკუთარ მოქალაქეებს!

ჩვენ გვინდა ვაჩვენოთ, რომ გვძულს XXI საუკუნის მთავარი მკვლელი - პუტინი!" - წერია აქციის ორგანიზატორების განცხადებაში.