ევროპული საბჭოს პრეზიდენტი , შარლ მიშელი, ამ წუთებში პარლამენტში მივიდა, სადაც დეპუტატებს მიმართავს.
შეხვედრას უმრავლესობის გარდა, ოპოზიციის ის წევრებიც დაესწრებიან, ვინც შარლ მიშელის შეთანხმების ახალ დოკუმენტს ხელი გუშინ მოაწერა. საკანონმდებლო ორგანოში უკვე იმყოფებიან "ლელოს" ლიდერები, დავით ბაქრაძე, ზურაბ გირჩი ჯაფარიძე, სალომე სამადაშვილი და ასევე "გირჩის" წევრი ვახო მეგრელიშვილი.
შეგახსენებთ, რომ შარლ მიშელი საქართველოში დღეს, 20 აპრილს ჩამოვიდა. აეროპორტში მას საგარეო საქმეთა მინისტრი, დავით ზალკალიანი და ევროკავშირის ელჩი საქართველოში, კარლ ჰარცელი დახვდნენ. შარლ მიშელი უკვე შეხვდა საქართველოს პრეზიდენტს სალომე ზურაბიშვილსა და პრემიერ ირაკლი ღარიბაშვილს.
აქვე გეტყვით, რომ 19 აპრილს ევროპული საბჭოს პრეზიდენტის საბოლოო დოკუმენტს ოპოზიციის ნაწილმა და "ქართულმა ოცნებამ" ხელი მოაწერეს. ამ ეტაპისთვის დოკუმენტს ხელ არ აწერს "ნაციონალური მოძრაობა", "ევროპული საქართველო" და "ლეიბორისტული პარტია".
მასალის გამოყენების პირობები






