"რესპუბლიკური პარტიის" წევრის თამარ კორძალიას განცხადებით, ევროპული საბჭოს პრეზიდენტის შარლ მიშელის მიერ წარდგენილ შეთანხმების დოკუმენტს ხელს მელიას გათავისუფლების შემდეგ მოაწერს. კორძაია იმედს გამოთქვამს, რომ შარლ მიშელის ჩამოსვლის შემდეგ ნაციონალური მოძრაობის თავმჯდომარეს დაუყონებლივ გაათავისუფლებენ:

"იმედს ვიტოვებ, რომ დღეს ბატონი მიშელის ჩამოსვლის შედეგი იქნება ნიკა მელიას დაუყოვნებლივ გამოშვება და საერთაშორისო პარტნიორობით მისი მხრიდანაც დოკუმენტის ხელმოწერა.

რაც შეეხება ჩემს ინდივიდუალურ პოზიციას. მიმაჩნია, რომ ვერც მე და ვერც რესპუბლიკური პარტია დამოუკიდებლად, საარჩევნო ბლოკისა და ამ ბლოკში ერთიანი ნაციონალური მოძრაობის მძლავრი მხარდაჭერის გარეშე ვერ მოვიპოვებდით საპარლამენტო მანდატებს, ამიტომ მე მზაობას გამოვხატავ შევუერთდე საპარლამენტო საქმიანობას ნიკა მელიას გამოსვლისა და მის მიერ დოკუმენტის ხელმოწერისთანავე", - წერს თამარ კორძაია.