Reuters-ის ინფორმაციით ამერიკის შეერთებული შტატები, რუსეთისთვის სანქციების დაწესებას აპირებს, რომლის ფარგლებში 10 რუსი ჩინოვნიკის გაძევებაც მოხდება.

საქმე ეხება არჩევნებში შესაძლო ჩარევასა და მავნე კიბერაქტივობასთან დაკავშირებულ ფაქტებს.

გარდა ამისა, სანქციები უწესდება 32 ფიზიკურ და იურიდიულ პირს აშშ-ის 2020 წლის საპრეზიდენტო არჩევნებში ჩარევის მცდელობისთვის.

ჯო ბაიდენის მიერ ხელმოწერილი განკარგულების თანახმად, ამერიკულ ფინანსურ ინსტიტუტებს ეკრძალებათ რუსეთის ცენტრალური ბანკის, ეროვნული კეთილდღეობის ფონდის ან რუსეთის ფინანსთა სამინისტროს მიერ გამოცემული ობლიგაციების შეძენა ან რუსეთის ფინანსური ინსტიტუტებისთვის სესხის გაცემა.

გამოცემის ცნობით, ახალი სანქციები ვაშინგტონსა და მოსკოვს შორის ურთიერთობებს კიდევ უფრო დაძაბავს.