"მიმდინარეობს გზების გაწმენდა, იყრება ტექნიკური მარილი. არის გარკვეული შეფერხებები თბილისი-ბაკურციხის მიმართულებით. ამ მონაკვეთში აკრძალულია, მისაბმელიანი ავტოტრანსპორტით გადაადგილება.

შეზღუდვაა ლარსისა და გომბორის მიმართულებით, გადაადგილება ნებადართულია მხოლოდ მოცურების საწინააღმდეგო ჯაჭვებით", - აცხადებს გასვიანი.

ამ მომენტისთვის არ თოვს დასავლეთ საქართველოში. იქ თოვა 14 დეკემბრის მეორე ნახევრიდან დაიწყება.

სინოპტიკოსები 14 დეკემბრის ღამით ძლიერ ყინვებს პროგნოზირებენ. დასავლეთ საქართველოს ბარში ღამით ყინვა -7 გრადუსი; მაღალმთაში -22 იქნება. აღმოსავლეთ საქართველოს ბარში კი -12, შიდა ქართლში უფრო დაბალი, თბილისში - -6, მაღალმთაში -20 გრადუსი. სინოპტიკოსები თოვასა და ყინვას 16 დეკემბრამდე ვარაუდობენ.