ქალი, რომელსაც პროკურატურამ ბრალი განსაკუთრებით მძიმე დანაშაულის შეუტყობინებლობისთვის წაუყენა, ბრალდებას არ ეთანხმება. "ნიუპოსტის" კორესპონდენტის ცნობით, ის ამბობს რომ არ იცოდა მისი შვილის გაუპატიურების და ორსულობის შესახებ. ბრალდებულის თქმით, მისი 13 წლის შვილი, თანასოფლელის, 50 წლის ამაკაცის მხრიდან სექსუალურ ძალადობას მალავდა, მუცელი კი ჭარბწონიანიბის გამო არ ეტყობოდა.

"მეც მაშინ გავიგე, ბავშვი რომ გააჩინა და რას მედავებიან? ჩემ შვილს არ უთქვამს არაფერი", - ამბობს ბრალდებული.

მისივე თქმით, გოგონაზე სექსუალურ ძალადობას ადრეც ჰქონდა ადგილი და პოლიციასაც აცნობა თუმცა, სამართალდამცველება გამოძიება არ დაიწყეს.

"ადრეც ჰქონდა ძალადობის ფაქტს ადგილი მეზობელი ბიჭის მხრიდან და უბნის რწმუნებულს მივმართე, არც რეაგირება ჰქონდათ არც არაფერი, მოწმე არ გვყავსო და წავიდნენ, ეგ იყო და ეგ, ბავშვს სახელი არ გავუტეხოთო მოწმე არ გვყავსო" - ამბობს ბრალდებული.

ცნობისთვის, შიდა ქართლის ერთ-ერთ სოფელში 13 წლის გოგონამ ბავშვი გასულ წელს გააჩინა, მისი გაუპატიურების ბრალდებით 50 წლამდე კაცი დააკავეს. ახლა კი პროკურატურა ბრალი ოზარდის დედას წარუდგინა, რომელსაც მძიმე დანაშაულის შეუტყობინებლობას ედავებიან. მის აღკვეთ ღონისძიებაზე სასამართლო ხვალ იმსჯელებს. 50 წლამდე ასაკის ქალს 3 დან 7 წლამდე პატიმრობა ემუქრება.