განიხილება თუ არა დამატებითი შეზღუდვების დაწესება

განიხილება თუ არა დამატებითი შეზღუდვების დაწესება - გამყრელიძის განმარტება

COVID-19 - 15:00, 14 Apr, 2021

1529

განიხილება თუ არა დამატებითი შეზღუდვების დაწესება ქვეყანაში - ამირან გამყრელიძე აცხადებს, რომ ჯერჯერობით არავითარი დამატებითი შეზღუდვის დაწესება არ განიხილება:

"ყველა ვცდილობთ, რომ ქვეყანაში მძიმე ლოკდაუნი არ იყოს. ეს ძალიან მძიმე იქნება საზოგადოებისთვის, ეს ძალიან მძიმე იქნება ქვეყნის ეკონომიკისთვის. ამიტომ, რეკომენდაციები უნდა დავიცვათ.
4% ჩვენ ზღვარად გვქონდა, როცა ვითარება მსუბუქდებოდა.
ახლა დადებითობის მაჩვენებელი 2 კვირის მანძილზე გვაქვს 2.56% მთელი ქვეყნის მასშტაბით. თუმცა, მარტო ამით ვერ იმსჯელებ. აქ აუცილებელია იმის ცოდნა, როგორია საავადმყოფოების, რეანიმაციული განყოფილებების, რესპირატორების და ა.შ დატვირთვა. რამდენიმე ინდიკატორია, რის შემდეგაც საბჭო ამ საკითხებზე მსჯელობს.
ვადასტურებ, რომ რესტორნები არის ვირუსის გავრცელების მთავარი ფაქტორია. მეტი რისკი არის ის დაწესებულებები, სადაც არ არის დაცული რეკომენდაციები - 2-მეტრიანი დისტანცია მაგიდებს შორის, მაქსიმუმ 4 ადამიანი ერთ მაგიდასთან და სხვა.
ამ ეტაპზე არავითარი დამატებითი შეზღუდვის დაწესება არ განიხილება" - აცხადებს გამყრელიძე.